چینائی ٹاملناڈو کے ویلور ضلع کے پرنام بیٹ میں جمعہ کو شدید بارش کی وجہ سے ایک مکان منہدم ہونے سے نو لوگوں کی موت ہو گئی اور آٹھ دیگر زخمی ہو گئے ۔ پولیس ذرائع نے یو این آئی کو بتایا کہ مرنے والوں میں چار بچے اور چار خواتین بھی شامل ہیں۔ زخمیوں کو علاج کے لیے پرنامبیٹ سرکاری اسپتال منتقل کیا گیا۔ حادثہ آج علی الصبح اس وقت پیش آیا جب گھر کے لوگ گہری نیند سو رہے تھے اور گرنے والے مکان کے متاثرین ملبے تلے دب گئے ۔ پولیس اور فائر بریگیڈ کے عملے نے نعشوں کو ملبے سے نکال کر پوسٹ مارٹم کے لیے بھیج دیا ہے ۔دریں اثناء چیف منسٹر ایم کے اسٹلن نے مہلوکین کے ارکان خاندان کیلئے فی خاندان 5 لاکھ روپئے معاوضیکا اعلان کیا ہے