نیویارک،20جون (سیاست ڈاٹ کام) امریکہ اور ایران کے درمیان کشیدگی کی آنچ اب امریکی ایوان میں بھی محسوس کی جانے لگی ہے ۔اس سلسلہ میں ایران پر جنگ مسلط کرنے کے معاملہ پر امریکی ایوان نمائندگان کی امور خارجہ کمیٹی میں ڈیموکریٹس کے ممبران نے ٹرمپ انتظامیہ کے نمائندہ خصو صی برائے ایران برین ہک کو تنقید کے رڈار پر رکھ لیا۔ڈیمو کریٹس نے پوچھا کہ کیا ٹرمپ کو بحیثیت صدر یہ اختیار ہے کہ وہ ایران پر جنگ مسلط کردیں؟ کیا 9/11 حملوں میں ایران ملوث تھا؟کئی چھبتے ہوئے سوالوں کا براہ راست جواب دینے سے گریز پر ڈیموکریٹس نے ایران کے لئے امریکی مندوب سے پوچھا آئین بھی پڑھا ہے یا نہیں؟واضح رہے کہ حالیہ دنوں امریکہ اور ایران کے درمیان حالات کشیدہ ہیں۔