واشنگٹن۔7 مارچ (سیاست ڈاٹ کام) امریکی صدر ڈونالڈ ٹرمپ نے کورونا وائرس سے نمٹنے کے لئے 8.3 ارب ڈالر کے ایمرجنسی پیکیج پر دستخط کئے جسے امریکی پارلیمنٹ نے اس بیماری کے پھیلاؤ کو روکنے کے لئے گزشتہ ہفتے منظور کیا تھا ۔ امریکی سینیٹ نے ایوانِ نمائندگان کی طرف سے اسی طرح کی کل جماعتی منظوری کے بعد جمعرات کو اس پیکیج منظور کیا ۔ دونوں سینیٹ اور ایوان کے پینل بات چیت کے ذریعے اس نتیجے پر پہنچے ہیں کہ اس رقم کو وفاقی صحت عامہ محکموں کو ویکسین، جانچ اور بہتر علاج کے لئے مہیا کرایا جائے گا ۔ اس منصوبہ کے تحت مقامی، ریاستی، قومی اور بین الاقوامی سطح پر وائرس کے پھیلاؤ سے نمٹنے کے لئے تقریبا 7.8 ارب ڈالر کی رقومات فراہم کی جائے گی اور یہ طبی فائدہ اٹھانے والے کو ٹیلی ہیلتھ پروگراموں کااستعمال کرنے کی اجازت دینے کے لئے 50 کروڑ ڈالر کا حق بھی دیتا ہے ۔ سینیٹ کی تصرف کمیٹی کے چیئرمین رچرڈ شیبلي نے جمعرات کو جاری ایک بیان میں کہا کہ ہمارے ماہرین کے مطابق 8.3 ارب ڈالر کی رقومات کی ضرورت ہے ۔ واضح رہے کہ امریکہ میں اب تک اس وائرس سے 12 افراد کی موت ہو گئی ہے اور یہ کم از کم 15 صوبوں میں پھیل چکا ہے ۔ تقریبا 180 سے زائد لوگ اس سے متا ثر ہیں ۔
