نئی دہلی: ہندوستان نے کینیڈامیں ایک انکوائری کمیشن میں کینیڈاکے وزیر اعظم جسٹن ٹروڈو کے بیان کی تردید کی ہے اور اس بات کا اعادہ کیا ہے کہ ان کی حکومت نے ہندوستانی سفارت کاروں کے خلاف کوئی ثبوت فراہم نہیں کیا ہے اور اس معاملے کی وجہ سے ہندوستان اور کینیڈاکے تعلقات کو پہنچنے والے نقصان کا تعلق صرف مسٹر ٹروڈو سے ہے ۔ وزارت خارجہ کے ترجمان رندھیر جیسوال نے انکوائری کمیشن میں مسٹر کینیڈاکے بیان کے بارے میں میڈیا کے سوالوں کے جواب میں کہاکہ ہم نے آج جو کچھ سنا ہے اس سے صرف یہ تصدیق ہوتی ہے جو ہم ہمیشہ کہتے رہے ہیں۔ کینیڈانے ہمیں ہندوستان اور ہندوستانی سفارت کاروں کے خلاف لگائے گئے سنگین الزامات کی تائید میں کوئی ثبوت پیش نہیں کیا ہے – مسٹر جیسوال نے کہا ‘‘اس نقصان کی ذمہ داری اس طرح کے غیر ذمہ دارانہ اور متکبرانہ رویے پر عائد ہوتی ہے ۔ ہندوستان ۔ کینیڈا تعلقات میں بگاڑ کی ساری ذمہ داری اکیلے وزیر اعظم ٹروڈو پر عائد ہوتی ہے ۔
