نئی دہلی ۔31 ڈسمبر (سیاست ڈاٹ کام) انٹرنیشنل کرکٹ کونسل (آئی سی سی) عالمی کرکٹ کیلنڈر کے مصروف شیڈول کو کچھ آسان بنانے کے لئے اب ٹسٹ میچ کے دنوں کو کم کرکے پانچ کے بجائے چار دن کرنے پر غور کر رہا ہے، جو ممکنہ سال 2023 سے عالمی ٹسٹ چمپئن شپ کا حصہ بن سکتا ہے۔ آئی سی سی کی کرکٹ کمیٹی سال 2020 میں اس معاملے پر غور کر سکتی ہے اور رکن کرکٹ بورڈز سے صلاح و مشورہ کرنے کے بعد اس بڑی تبدیلی کو عمل میں لایا جا سکتا ہے۔ اگرچہ عالمی کرکٹ کے اس تبدیلی کے خلاف کھڑے ہونے کی امید ہے جو کرکٹ کے سب سے قدیم اور اہم شکل میں اتنے بڑی تبدیلی کی منظوری نہیں دینا چاہے گا۔ یہ بھی اہم ہے کہ فرسٹ کلاس کرکٹ میں چار دنوں کے میچ اور بین الاقوامی سطح پر کھیلے جانے والے سرکاری ٹسٹ کی شکل میں پانچ دن کا میچ ہی سب سے بڑا فرق بھی ہے، جو نئی تبدیلی سے ختم ہو جائے گا۔آئی سی سی سے مسلسل اپنے ٹورنمنٹس کے ونڈو کو بڑھائے جانے کی مانگ اٹھ رہی ہے۔ مسلسل گھریلو ٹوئنٹی 20 کرکٹ لیگز کی بڑھتی ہوئی تعداد، بی سی سی آئی کے اپنے ذاتی دوکیلنڈر کو جگہ دینے اور ٹسٹ سیریز منعقد کرنے کی قیمت کچھ ایسے نکات ہیں جنہیں ذہن میں رکھتے ہوئے ٹسٹ میں اس تبدیلی کی مانگ بھی اٹھ رہی ہے جو 2023 سے 2031 کے کیلنڈر میں وقت اور پیسے کے ضیاع کو کم کر سکتی ہے۔ آئی سی سی کی دلیل ہے کہ پانچ کے بجائے چار دن لازمی ٹسٹ میچ کی صورت میں 2015 سے 2023 کے موجودہ سائیکل میں قریب 335 دنوں کی بچت ہو گی، جس سے وقت کی بچت ہوگی اور جمعرات سے اتوار کی مدت میں میچ کروائے جا سکیں گے۔ چار دن کرنے کے ساتھ ٹسٹ سیریز کی تعداد بھی بڑھائی جا سکے گی اور اس سے نشریاتی کمپنی اور میزبان بورڈز کی آمدنی میں اضافہ ہوگا کیونکہ انہیں پھر پانچ دن تک میچ منعقد کرنے کا اہتمام نہیں کرنا ہوگا۔ حال میں ہندوستان اور آسٹریلیا کے درمیان چار میچوں کی ٹسٹ سیریز منعقد کی گئی تھی جو 20 دنوں تک کھیلی گئی تھی جبکہ اگر میچ چار دن کا ہوگا تو اس میں پانچ میچوں کی سیریز کروائی جا سکے گی۔ آئی سی سی کی نئی اسکیم کے مطابق میچ کے چار دن تک کروانے کے موقف میں ایک دن میں 90 کے بجائے کم از کم 98 اوور کھیلے جا سکیں گے، جس سے مقرر چار دنوں میں 58 اوور ہی کم کھیلے جائیں گے۔ یہ بھی دیکھا گیا ہے کہ زیادہ تر ٹسٹ مقابلے چار دن میں ہی ختم ہو جاتے ہیں، سال 2018 میں بھی 60 فیصد میچ چار یا اس سے کم دن میں ہی ختم ہو گئے تھے۔کرکٹ آسٹریلیا (سی اے) کے چیف ایگزیکٹو کیون رابرٹس نے کہاکہ چار دن کے ٹسٹ پر ہمیں سنجیدگی سے غور کرنا ہوگا۔ یہ ایسا ہے جسے جذبات سے باہر ہوکر سوچنا ہوگا۔ ہمیں گزشتہ پانچ سے 10 برس کے وقفے میں ٹسٹ میچوں کے اوسط مدت پر غورکرنا ضروری ہے۔انہوں نے کہاکہ ہمیں اس بات پر غور کرنا ضروری ہے جو مستقبل کے لیے ضروری ہے۔
