ٹورنٹو۔ 14ڈسمبر ۔(سیاست ڈاٹ کام) کینیڈا کے شہر ٹورنٹو میں نامعلوم مسلح شخص کی طرف سے کی گئی فائرنگ میں ایک 16 سالہ لڑکا زخمی ہو گیا۔ مقامی میڈیا نے پولیس انسپکٹر جم گوٹیل کے حوالہ سے بتایا کہ ہماری تحقیقات چل رہی ہے ۔ ہمارا خیال ہے کہ واقعہ کے وقت چار افراد گاڑی سے سڑک پار کر رہے تھے اس دوران ایک مشتبہ حملہ آور نے ان کی گاڑی پر فائرنگ کی، جس سے ایک لڑکا گولی لگنے سے زخمی ہو گیا۔پولیس نے بتایا کہ ٹورنٹو میں جمعرات کی رات مقامی وقت کے مطابق 10.30 بجے یہ واقعہ پیش آیا۔زخمی نوعمرکو ہاسپٹل لے جایا گیا ہے اور پولیس معاملہ کی تحقیقات کر رہی ہے ۔
