چیف منسٹر پنجاب بھگوت مان کا وزیر اعظم سے متعلق متنازعہ تبصرہ
بھوپال : پنجاب کے چیف منسٹر بھگونت مان نے آج مدھیہ پردیش میں پارٹی کارکنوں سے خطاب کرتے ہوئے وزیراعظم نریندر مودی پر شدید تنقید کی ۔ انہوں نے نریندر مودی سے متعلق ایک نعرہ لگایا۔ بھگوت مان نے کہا کہ پہلے ایک ایڈ آتی تھی جس میں کہا جاتا تھا ’ٹھنڈا مطلب کوکا کولا‘ اور اب یہ کہا جارہا ہے ’اَن پَڑھ مطلب نریندر مودی‘۔ قبل ازیں دہلی کے چیف منسٹر نے بھی خطاب کیا۔ انہوں نے کہا کہ آج تک 75 سالوں میں کسی ایک جماعت نے آپ کو الیکشن سے پہلے یہ نہیں کہا کہ ہم آپ کے بچوں کی تعلیم اور علاج کیلئے اسکول اور ہاسپٹلس بنائیں گے۔ ماما نے اپنے بھانجے بھانجیوں کو بہت دھوکہ دیا ہے، اب ان پر بھروسہ نہ کرنا۔ انہوں نے کہا کہ ہم نے دہلی اور پنجاب میں جو کیا، وہی اب مدھیہ پردیش میں کریں گے۔ بھگونت مان نے پارٹی کارکنوں سے خطاب کرتے ہوئے کہا کہ ہماری گیارنٹی کی کتاب دیگر پارٹیوں کی طرح منشور نہیں بلکہ کجریوال کی گیارنٹی ہے۔ جس طرح ماں گنگا کی ندی الٹی نہیں بہہ سکتی، اسی طرح اروندکجریوال کی گیارنٹی کبھی ضائع نہیں ہوسکتی۔