کولکاتا : ترنمو ل کانگریس یوا مورچہ کے لیڈر ستیکام پٹنائک کو اپنی پارٹی کے کارکنوں سے پتہ چلا کہ ایک غیر مقیم مزدور جو کچھ دن پہلے ہی گاؤں واپس آیا ، وہ گزشتہ کئی دنوں سے بخار میں مبتلاہے اور اس میں کورونا وائرس کی علامات بھی ہیں۔ گوپی پل پور گاؤں کے ذرائع کے مطابق کنبہ نے بتایا کہ بہت کوشش کے باوجود انہیں ایمبولینس نہیں ملی۔ کوئی بھی کورونا کے خوف سے ان کی مدد کرنے کو تیار نہیں تھا۔ آخرکار ترنمو ل کانگریس کے نوجوان لیڈر نے پی پی ای کٹ پہن کر اس مریض کو اسپتال پہنچانے کا فیصلہ کیا۔ ستیکام نے خود پی پی ای کٹ خریدی اور اس مریض کو اپنی موٹر سائیکل پر بیٹھاکر اسپتال پہنچایا۔
