مونگیر : وزارت خارجہ نے بہار کے مونگیر ضلع میں مونگیر ہیڈ پوسٹ آفس میں اپنا غیر ملکی سفر شروع کرنے والے پاسپورٹ یافتگان کے لیے ‘پولیس کلیئرنس سرٹیفکیٹ’ کی سہولت شروع کی ہے ۔ پولیس کلیئرنس سرٹیفکیٹ’ کی سہولت کے متعارف ہونے سے ، مونگیر ڈویژن کے مونگیر اور لکھی سرائے اضلاع کے پاسپورٹ یافتگان کو کافی راحت ملی ہے ، جو بیرون ملک بڑی کمپنیوں سے ملازمت کی پیشکش ملنے کے بعد بیرون ملک سفر کرنے کی تیاری کر رہے ہیں۔ مونگیر اور لکھی سرائے اضلاع کے لوگوں کے لیے پاسپورٹ بنانے کی سہولت مونگیر ہیڈ پوسٹ آفس میں سال 2018 سے آسانی سے چل رہی ہے ۔ اب تک، دونوں اضلاع کے چالیس ہزار سے زیادہ لوگوں نے مونگیر ہیڈ پوسٹ آفس میں اپنے پاسپورٹ بنوائے ہیں، لیکن غیر ملکی سفر شروع کرنے سے پہلے پاسپورٹ یافتگان کو ویزا حاصل کرنے کے لیے ‘پولیس کلیئرنس سرٹیفکیٹ’ کی ضرورت ہوتی تھی۔ اس سے پہلے مونگیر اور لکھی سرائے اضلاع کے پاسپورٹ یافتگان کو ‘پولیس کلیئرنس سرٹیفکیٹ’ کے لیے علاقائی پاسپورٹ سیوا کیندر (پٹنہ) میں بھاگنا پڑتا تھا، جس کے نتیجے میں پاسپورٹ ہولڈروں کا وقت اور پیسہ دونوں ضائع ہوتے تھے ۔
