جیسلمیر، 6 جون (یو این آئی) پاکستانی خفیہ ایجنسی آئی ایس آئی کے لیے جاسوسی کے الزام میں راجستھان میں پکڑے گئے جیسلمیر کے سرکاری ملازم شکور خان کو تفتیش کے لیے جیسلمیر لایا گیا ہے ۔سرکاری ذرائع نے جمعہ کو بتایا کہ جے پور سے راجستھان انٹیلی جنس ایجنسی کی ایک خصوصی ٹیم پولیس انسپکٹر ونود مینا نے کی قیادت میں جمعرات کو شکور خان کو جیسلمیر میں واقع اس کی رہائش گاہ منگلیون کی دھانی لے کر پہنچی۔ یہاں ٹیم نے تقریباً چھ گھنٹے تک تلاشی لی۔ذرائع نے بتایا کہ بعد میں ٹیم اسے شہر میں سرکاری روزگار دفتر لے گئی جہاں اس کے چیمبر کی مکمل تلاشی لی گئی۔ اس کے بعد انہیں اسے سرکاری رہائش گاہ پر بھی لے جایا گیا اور وہاں بھی تلاشی لی گئی۔ذرائع کا کہنا ہے کہ خصوصی ٹیم شکور خان کو ان سرحدی علاقوں میں لے جائے گی جہاں سے اس نے سرحد کے اس پار پورے سرحدی علاقے کی اہم خفیہ معلومات اور تصاویر پاکستان بھیجیں۔
