لاہور : پاکستانی کوہ پیماؤں سر باز خان اور عبدالجوشی نے دنیا کی دسویں سب سے اونچی چوٹی اناپورنا سر کر کے تاریخ رقم کردی ہے۔ نیپال میں واقع چوٹی انا پورنا کی اونچائی 8091 میٹر ہے اور اسے پہلی بار کسی پاکستانی کوہ پیما نے سر کیا ہے۔ الپائن کلب آف پاکستان نے بھی اس بات کی تصدیق کی ہے کہ سرباز اور جوشی نے اناپورنا چوٹی سر کر لی ہے۔ چوٹی سر کرنے والے دونوں پاکستانی کوہ پیماؤں کا تعلق ہنزہ سے ہے۔ صدر ایگزیکٹو بورڈ، الپائن کلب نے دونو ں کوہ پیماؤں کو زبردست کامیابی پر مبارکباد پیش کی ہے۔
