پرتھ ۔ ہندوستان کے خلاف ورلڈ کپ کے افتتاحی مقابلے میں سنسنی خیز اور آخری لمحات میں شکست کے بعد پاکستانی ٹیم کل یہاں زمبابوے کے خلاف کامیابی کیلئے پرعزم ہے لیکن دوسری جانب زمبابوے کرکٹ ٹیم کے کپتان کریگ ایروین نے کہا ہے کہ اندازہ ہے کہ پاکستان ہمارے لیے سخت حریف ثابت ہوگا، ہم پاکستان کے چیلنج کے لیے تیار ہیں۔پرتھ میں پریس کانفرنس کرتے ہوئے کریگ ایروین نے کہا کہ یہاں ابتدائی چھ اوورزکافی اہم ہیں اور پاکستان کے پاس نئی گیند کے بہترین بولر ہیں۔کریگ ایروین نے کہا کہ کوشش کریں گے ابتدائی اوورز میں ڈبلزرنز زیادہ لیں، مڈل اوورز میں باونڈریز پر جائیں، حارث روف معیاری بولر ہیں ، حارث جیسے بولرکیخلاف اسٹرائیک روٹیٹ کرتے رہنا ضروری ہے اور حکمت عملی سے کھیلنا ہوگا۔انہوں نے مزید کہا کہ امید ہے سکندر رضا اپنی بہترین فارم کا سلسلہ جاری رکھیں گے۔واضح رہے کہ ٹی ٹوئنٹی ورلڈکپ میں کل پاکستان اور زمبابوے کا میچ پرتھ میں مقرر ہے جہاں پاکستان کو ایونٹ میں رہنے کیلئے کامیابی ضروری ہے ۔
