برسبین ۔ پاکستانی کرکٹ ٹیم کے کپتان محمد رضوان نے کہا ہے کہ فخر زمان، افتخار احمد، محمد عامر، شاداب خان بڑے کھلاڑی ہیں، ان کی کمی آسانی سے پوری نہیں ہو سکتی۔ برسبین میں آسٹریلیا کے خلاف کل یہاں پہلے ٹی 20 مقابلے کے موقع پر میڈیا سے گفتگو کرتے ہوئے محمد رضوان نے کہا کہ جب آپ انٹرنیشنل کرکٹ کھیلتے ہیں تو چیلنجز تو آتے ہیں، آسٹریلیا میں آسٹریلین کنڈیشن میں کھیلنا آسان نہیں ہوتا۔ انہوں نے کہا کہ پلیئنگ الیون پر بات ہوئی ہے، جو ٹیم کے لیے بہتر ہوگا وہ فیصلے کریں گے، میں ہمیشہ مشورے سے کھیلتا ہوں۔ٹی20 میں کامیابی حاصل کریں گے۔