پرانے شہر حیدرآباد میں کئی علاقوں کی نئے کنٹینمنٹ زون علاقوں کے طور پر نشاندہی کی گئی ہے۔مذکورہ علاقوں میں جہاں سے کرونا وائرس کے مثبت معاملات منظرعام پر ائے ہیں ان علاقوں سے اس عالمی وباء کو روکنے کے لئے محکمہ بلدیہ کی جانب سے یہ اقدام اٹھایاگیاہے۔
قبل ازیں پرانے شہر میں کروناو ائرس کے مثبت معاملات میں اضافہ کے پیش نظر محکمہ بلدیہ پر ان علاقوں کی عوام کے تئیں غفلت اور کوتاہی برتنے کا الزام عائد کیاجارہا تھا۔
حالیہ عرصہ میں مرکز سے ایک ٹیم بھی حیدرآباد کے دورہ پر ائی تھی تاکہ حکومت تلنگانہ کی جانب سے کویڈ19کی روک تھام کے لئے ریاستی انتظامیہ کی جانب سے اٹھائے جانے والے اقدامات کاجائزہ لیاجاسکے۔
عالمی وباء کے اس دور میں کویڈ پروٹوکال کو پوری طرح نظر اندازکرتے ہوئے شہری اور ریاستی انتظامیہ کی جانب سے پرانے شہر کو پوری طرح انداز کیاجارہا ہے۔
پیش ہے سیاست ڈاٹ کی یہ خصوصی رپورٹ
