دبئی : دبئی میں اربوں ڈالر مالیت کی پراپرٹی لیکس میں حزب اللہ، اسلامی پاسداران انقلاب اور یمن کے حوثیوں سے تعلق رکھنے والے افراد کی ملکیتوں کا بھی انکشاف ہوا ہے۔جاپانی میڈیا کے مطابق پراپرٹی لیکس میں رئیل اسٹیٹ ڈویولپر اور حزب اللہ کے مبینہ رکن ادھم تبجا کا نام بھی شامل ہے جبکہ حزب اللہ کے مالیاتی بین الاقوامی نیٹ ورک کے مبینہ رکن قطر کے علی البنائی کا نام بھی پراپرٹی لیکس میں شامل ہے۔جاپانی میڈیا کی رپورٹ کے مطابق حزب اللہ کی مالی معاونت کے الزام میں امریکی پابندیوں کا نشانہ بننے والے علی اوسیران، اسلامی پاسداران انقلاب سے تعلق رکھنے والے آرس حبیب، علی ظہیرمہدی اور محسن پارسا جام کے نام بھی دبئی میں پراپرٹی رکھنے والوں کی فہرست میں شامل ہیں۔
