حیدرآباد۔پرگیہ جیسوال جنہوں نے تلگو میں کرش کی ہدایت کاری میں بننے والی فلم کانچے سے اپنی پہچان بنائی، اب اکھنڈہ کے لیے تیار ہے۔ ایک تجارتی ایکشن تھرلرکے طور پرمشہور، اکھنڈا نے مرکزی کردار ننداموری بالاکرشنا کو ادا کیا ہے۔ پرگیہ جو اکھنڈہ میں ایک آئی اے ایس افسر کے طور پر نظر آئیں گی۔ اپنے اس کردار کے بارے میں وہ بتاتی ہیں کہ وہ جس کردار کو وہ ادا کررہی ہیں وہ ایک مضبوط کردار ہے، جو ممکنہ طور پر ان کے اداکاری کے کیریئر کے سب سے یادگار کرداروں میں سے ایک ہوگا۔ میڈیا کے ساتھ بات چیت میں اداکارہ نے اداکار بالا کرشنا، ڈائریکٹر بویا پتی سرینو، اور ٹیم کے ساتھ کام کرنے کا اپنا تجربہ بتایا۔ انہوں نے کہا کہ اکھنڈہ میں میں نے جو کردار ادا کیا ہے وہ ایسا ہے جو میں نے پہلے کبھی نہیں کیا۔ میں ایک بیوروکریٹ کے کردار میں نظر آتی ہوں۔ پرجوش اداکارہ نے مزید کہا کہ مجھے یقین ہے، بویا پتی سرینو اور بالاکرشنا کا امتزاج ایک زبردست ایکشن تھرلر ثابت ہوگا۔ میں ناظرین کو یہ دکھانے کے لیے انتظار نہیں کر سکتی کہ فلم کتنی اچھی بنی ہے۔ تاہم اداکارہ کو وبائی امراض کے دوران شوٹنگز کے حوالے سے پریشانی کا سامنا کرنا پڑا لیکن، وہ بتاتی ہیں کہ ان کی ٹیم نے اکھنڈہ کے سیٹ پر تمام ضروری احتیاطی تدابیر اختیار کر کے انہیں کافی آرام دہ بنایا۔ پرگیہ کے بموجب ان کے پاس اس کردار کی تیاری کے لیے بہت کم وقت تھا۔ مجھے جیسے ہی فلم کے سیٹس میں شامل ہونا پڑا، اس لیے میری تیاری کا وقت بہت کم تھا۔ مجھے خود کو کردار میں ڈھالنے میں کچھ وقت لگا، اور یہ اکھنڈہ کے سیٹ پر ہوا۔ میں نے حقیقی زندگی کی خاتون پولیس عہدیداروں سے چند حوالہ جات لیے تھے اور ان کی ڈریسنگ، طرز عمل اور چھوٹی بڑی تفصیلات سے متعلق ہر تفصیل کو نوٹ کیا تھا۔ کانچے اداکارہ نے کہا ہے کہ اس نے مجھے کردار پر گرفت حاصل کرنے میں بہت مدد کی۔
