نئی دہلی، 29 اپریل : کانگریس جنرل سکریٹری پرینکا گاندھی نے آج جنتر منتر پر احتجاج کرنے والی خواتین پہلوانوں سے ملاقات کی اورانہیں انصاف دینے ریسلنگ فیڈریشن صدر برج بھوشن سنگھ کی برخواستگی کا مطالبہ کیا۔پرینکا نے کھلاڑیوں سے ملاقات کے بعد میڈیا سے کہا کہ پورا ملک دھرنا دے رہی کھلاڑیوں کے ساتھ اور وہ خود انصاف کی اس لڑائی میں ان خواتین کھلاڑیوں کے ساتھ ہیں جنہوں نے ملک کا سر فخر سے بلند کیا ہے ۔ انہوں نے کہا کہ جب یہ بیٹیاں میڈل جیت کر آتی ہیں تو ہم سب کو فخر ہوتا ہے لیکن آج وہی بیٹیاں سڑک پر بیٹھی انصاف مانگ رہی ہیں تو کوئی سننے کو تیار نہیں۔انہوں نے کہا کہ خواتین کھلاڑی جس شخص کے خلاف الزامات لگا رہی ہیں وہ بااثر عہدے پر ہے اور اسے اقتدار کی سرپرستی حاصل ہے ۔ ایسے میں ان کو انصاف دلانے ضروری ہے کہ ملزم کو پہلے عہدے سے ہٹایا جائے تاکہ وہ عہدے کا غلط استعمال کر کے کھلاڑیوں پر دباؤ نہ ڈال سکے ۔
