نئی دہلی : بین الاقوامی مارکیٹ میں خام تیل کی قیمتوں میں کمی کے باوجود دو دن تک گھریلو مارکیٹ میں اس کی قیمتوں میں تخفیف کے بعد پٹرول اور ڈیزل کی قیمتیں جمعہ کو مستحکم رہیں۔ دو دن میں پٹرول 39 پیسے اور ڈیزل 37 پیسے سستا ہوا ہے ۔آئل مارکیٹنگ کرنے والی کمپنی انڈین آئل کارپوریشن کے مطابق جمعہ کو پٹرول اور ڈیزل کی قیمتوں میں کوئی تبدیلی نہیں کی گئی ہے ۔ دہلی میں پٹرول 90.78 روپے اور ڈیزل 81.10 روپے فی لیٹر ہے ۔بین الاقوامی منڈی میں خام تیل کی قیمت 16 دن میں تقریبا 15 فیصد گر گئی ہے ۔ یوروپ میں کورونا کی تیسری لہر کی وجہ سے وہاں ایندھن کی طلب میں کمی کا امکان ہے جس کی وجہ سے خام تیل کی قیمت 62 ڈالر فی بیرل پر آگئی ہے ۔