حیدرآباد : /21 ڈسمبر (پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ رجب المرجب 1447 ھ زیرنگرانی حضرت مولانا سید حسن ابراہیم حسینی سجاد پاشاہ معتمد صدر مجلس علماء دکن /21 ڈسمبر 2025 ء بروز اتوار 6 بجے شام حسینی بلڈنگ معظم جاہی مارکٹ میں منعقد ہوا ۔ شہر میں جزوی طور پر مطلع ابر آلود رہا اور ملک کے مختلف مقامات جیسے ادگیر ، مہاراشٹرا ، گلبرگہ سے چاند نظر آنے کی اطلاعات موصول ہوئی ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ /22 ڈسمبر 2025ء بروز پیر کو یکم رجب المرجب ہوگی ۔ اس اجلاس میں حضرت مولانا سید حسن ابراہیم حسینی قادری سجاد پاشاہ ، حضرت مولانا مفتی خلیل احمد ، حضرت مولانا سید محمود بادشاہ قادری زرین کلاہ ، حضرت مولانا سید محمد اولیاء حسینی قادری مرتضی پاشاہ ، حضرت مولانا سید مفتی صغیر احمد نقشبندی ، حضرت مولانا سید شیخن احمد قادری شطاری کامل پاشاہ اور جناب قاضی سید نور اللہ فاروق عارفی نے شرکت کی۔
چاند نظر آگیا ، شیعہ علماء کا اعلان
٭٭ سید علی اصغر جعفری کی اطلاع کے مطابق کل ہند شیعہ مجلس علماء و ذاکرین نے یہ اعلان کیا ہے کہ چاند نظر آگیا ہے ۔ لہذا /22 ڈسمبر 2025 ء دوشنبہ کو یکم رجب المرجب 1447 ھ ہوگی ۔ اس کی تصدیق حسب ذیل علماء کرام مولانا ڈاکٹر سید نثار حسین حیدر آقا ، مولانا رضا عباس خاں ، مولانا مہدی حسن بہشتی ، مولانا سید جلال حیدر ، مولانا سید جواد عابدی اور مولانا سید محب عابد نے کی ہے ۔۔