مرکزی رویت ہلال کمیٹی صدر مجلس علماء دکن کا اعلان
حیدرآباد ۔ 6 ۔ جولائی : ( پریس نوٹ ) : مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ محرم الحرام 1446 ھ زیر نگرانی مولانا سید حسن ابراہیم حسینی قادری سجاد پاشاہ معتمد صدر مجلس علماء دکن 6 جولائی بروز ہفتہ قبل مغرب حسینی بلڈنگ معظم جاہی مارکٹ میں منعقد ہوا ۔ شہر میں مطلع آبرآلود رہا ۔ ملک کے مختلف مقامات سے مطلع آبرآلود ہونے اور عدم رویت کی اطلاعات موصول ہوئیں ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 7 جولائی بروز اتوار 30 ذی الحجہ ہوگی ۔ یکم محرم 8 جولائی بروز پیر ہوگی ۔ اس اجلاس میں مولانا سید حسن ابراہیم حسینی قادری سجادہ پاشاہ معتمد صدر مجلس علماء دکن ، حضرت مولانا سید محمود بادشاہ قادری زرین کلاہ ، مولانا سید محمداولیاء حسینی مرتضیٰ پاشاہ ، مولانا مفتی سید صغیر احمد نقشبندی قادری ، مولانا سید ظہیر الدین علی صوفی قادری ، مولانا سید شیخن احمد شطاری کامل پاشاہ ، مولانا ڈاکٹر سید علی حسینی قادری علی پاشاہ ، مولانا مشہود احمد قادری ، مولانا سید قادر محی الدین قادری جنید پاشاہ اور قاضی سید نور اللہ فاروق عارفی نے شرکت کی ۔۔
چاند نظر نہیں آیا
کل ہند شیعہ مجلس علماء و ذاکرین کا اعلان
حیدرآباد ۔ 6 ۔ جولائی : ( پریس نوٹ ) : سید علی اصغر جعفری کی اطلاع کے مطابق کل ہند شیعہ مجلس علماء و ذاکرین نے اعلان کیا ہے کہ شہر حیدرآباد میں چاند نظر نہیں آیا اور نہ ہی کہیں سے رویت ثابت ہوپائی ہے ۔ لہذا 7 جولائی 2024 یکشنبہ کو 30 ذی الحجہ 1445 ھ ہوگی اور 8 جولائی 2024 دوشنبہ کو یکم محرم الحرام 1446 ھ ہوگی ۔ اس کی تصدیق حسب ذیل علماء کرام نے کی ۔ مولانا ڈاکٹر سید نثار حسین حیدر آقا ، مولانا رضا عباس خاں ، مولانا مہدی حسن بہشتی ، مولانا سید جواد عابدی اور مولانا سید محب عابد ۔۔
