مرکز کی نریندر مودی حکومت کے خلاف مختلف جماعتوں کو متحد کرنے کی کوشش میں، تلنگانہ کے چیف منسٹر کے۔ چندر شیکھر راؤ کی ممبئی میں اپنے مہاراشٹر کے ہم منصب ادھو ٹھاکرے اور نیشنلسٹ کانگریس پارٹی (این سی پی) کے سربراہ شرد پوار سے ملاقات کے ایک دن بعد، بھارتیہ جنتا پارٹی کے رہنما دیویندر فڑنویس نے پیر کو کہا کہ ماضی میں بھی ایسے تجربات کیے گئے تھے، لیکن وہ ناکام رہے۔ فڑنویس نے اورنگ آباد میں نامہ نگاروں کو بتایا کہ ریاستوں کے وزرائے اعلیٰ سے اس طرح ملاقات کرنا کوئی نئی بات نہیں ہے اور راؤ نے بھی ان سے اس وقت ملاقات کی تھی جب وہ 2014 سے 2019 کے درمیان مہاراشٹر کے چیف منسٹر تھے۔
