ہندچین مذاکرات کے باوجود تناؤ برقرار، بیرونی خطرات کی سالانہ رپورٹ امریکی پارلیمنٹ میں پیش
واشنگٹن : امریکہ کی انٹیلی جنس کمیونٹی نے چہارشنبہ کو دعویٰ کیا ہے کہ آنے والے وقت میں چین اور پاکستان کے ساتھ ہندوستان کے تعلقات میں تناؤ مزید بڑھ سکتا ہے۔ جس کا جواب ہندوستان فوجی کارروائی سے دے گا۔رپورٹ میں لکھا گیا ہے۔ سابقہ حکومتوں کے مقابلے میں وزیر اعظم نریندر مودی کی قیادت میں یہ خدشہ بڑھ گیا ہے کہ چین اور پاکستان کی طرف سے کسی بھی اشتعال انگیز کارروائی کے جواب میں ہندوستان اپنی فوج تعینات کر سکتا ہے۔سالانہ خطرے کی تشخیص یعنی بیرونی خطرات کی سالانہ تشخیص کی رپورٹ امریکی پارلیمنٹ میں پیش کی گئی۔اس رپورٹ میں کہا گیا ہے کہ چین اور ہندوستان سرحد پر جاری تنازعہ کو بات چیت کے ذریعے کم کرنے کی کوشش کر رہے ہیں۔ اس کے باوجود دونوں ملکوں کے تعلقات میں تناؤ رہے گا۔امریکی انٹیلی جنس نے کشمیر کو پاک ہندوستان تعلقات میں کشیدگی کی ایک اہم وجہ قرار دیا ہے۔ رپورٹ میں لکھا گیا ہے کہ 2021 میں لائن آف کنٹرول پر جنگ بندی معاہدے کے بعد دونوں ممالک تعلقات میں امن برقرار رکھنا چاہتے ہیں۔تاہم، پاکستان کی ہندوستان مخالف عسکریت پسندوں کی حمایت کی ایک طویل تاریخ ہے۔ پی ایم مودی کی قیادت میں ہندوستان بھی پاکستان کی طرف سے کسی بھی اشتعال انگیز کارروائی کا منہ توڑ جواب دے گا۔ہندوستان اور پاکستان کے درمیان بحران کو ایک بڑی تشویش کے طور پر بیان کیا گیا ہے۔دونوں ممالک کے درمیان ایک دوسرے کے خلاف جاری تنازعات کی وجہ سے جو سوچ پیدا ہوئی ہے اس سے کشیدگی بڑھنے کے خدشات بڑھ جاتے ہیں۔دونوں ممالک کے درمیان کشیدگی کشمیر میں تشدد اور ہندوستان میں دہشت گردانہ حملے کا باعث بنتی ہے، تو دونوں ممالک کے درمیان حالات قابو سے باہر ہو جائیں گے۔امریکہ کی انٹیلی جنس رپورٹ میں 2020 میں لداخ کی وادی گالوان میں دونوں ممالک کے درمیان ہونے والے تنازعہ کو دہائی کا سب سے خطرناک تنازعہ قرار دیا گیا ہے۔ رپورٹ میں دعویٰ کیا گیا کہ دونوں ممالک کے درمیان کشیدگی کی صورتحال امریکہ اور اس کے عوام کے لیے بڑا خطرہ ہے۔ رپورٹ میں تجویز دی گئی کہ امریکہ کو دونوں ممالک کے درمیان بڑھتے ہوئے تنازع میں مداخلت کرنی چاہیے۔رپورٹ کے جاری ہونے کے بعد امریکی محکمہ خارجہ کے ترجمان نے اس پر تبصرہ کیا ہے۔ انہوں نے کہا- پاکستان کے ساتھ ہماری انسداد دہشت گردی کی بات چیت سے پتہ چلتا ہے کہ وہ وہاں دہشت گردی اور انتہا پسندی سے نمٹنے کیلئے کتنے سنجیدہ ہیں۔انہوں نے کہا کہ پاکستان میں دہشت گردی کا مسئلہ جنوبی ایشیا سے باہر بھی پھیل سکتا ہے۔ حملے کا بنیادی مقصد جنوبی اور وسطی ایشیا میں امن قائم کرنا ہے-
