خراب موسم میں پھنسے 3 چینی شہریوں کی جان بچائی
گیانگٹک ۔ خراب موسم کے سبب 3 چینی شہری راستہ بھٹک گئے تھے۔ ایسے میں ہندوستانی فوج نے انہیں اس مشکل گھڑی میں بچایا۔ ان کا علاج کیا اور پھر واپس چین کی طرف بھیج دیا۔یہ واقعہ شمالی سکم کا ہے۔ فوج کے مطابق چین کے تین شہری نارتھ سکم کے پلاٹو علاقے میں تین ستمبر کو راستہ بھٹک گئے تھے۔ یہ علاقہ سب صفر درجہ حرارت میں 17500 فٹ کی اونچائی پر ہے۔ یہاں ایک خاتون اور دو مرد برف کے بیچ راستہ بھٹک گئے تھے۔ انہیں دیکھ کر فوراً فوج کے جوانوں نے انہیں بچایا۔ ہندوستانی فوج نے چینی شہریوں کو کھانا، پانی، آکسیجن، گرم کپڑے اور دوائیاں دیں۔ بعد میں فوج نے ان چینی شہریوں کو صحیح راستہ دکھا کر ان کے منزل تک جانے میں مدد کی۔ فوج کے ٹوئٹ میںکہا گیا کہ انسانیت سب سے اوپر۔ہندوستان ہمیشہ مدد کیلئے تیار ہے، لیکن دوسری طرف چین اپنی حرکتوں سے باز نہیں آرہا ہے۔ جمعہ کو ہی خبر آئی کہ چین کی فوجیوں نے اروناچل پردیش کے 5 لوگوں کو اغوا کرلیا۔ واضح رہے کہ ہند اور چین کے درمیان 3488 کلو میٹر کی سرحد ہے، جس کی شروعات شمال مشرق میں اروناچل پردیش سے ہوتی ہے۔
