چینائی:تملناڈو میں اپوزیشن جماعت دراوڑ منیتر کزگم (ڈی ایم کے ) نے ہفتہ کو جاری اپنے انتخابی منشور میں کہا کہ اگر ان کی پارٹی برسراقتدار آئے گی تو ریاست کے تمام راشن کارڈ ہولڈروں کو چار ہزار روپے ، آون دودھ، پٹرول، ڈیزل اور پکوان گیس سلنڈر کی قیمتوں میں کمی کرنے کا وعدہ کیا ہے ۔ریاست میں آئندہ 6 اپریل کو ہونے والے اسمبلی انتخابات کے پیش نظرآج یہاں پارٹی کا منشور جاری کرتے ہوے ڈی ایم کے کے صدر ایم کے اسٹالن نے 500اعلانات کئے ۔انہوں نے کہاکہ اقتدار میں آنے کے بعد ان کی پارٹی ریاست میں تمام راشن ہولڈروں کی مدد کے طورپر 4,000 روپے دے گی، یہ رقم ان کے اکاؤنٹ میں ڈالی جائے گی۔اسٹالین نے کہاکہ خواتین رائے دہندگان کو راغب کرنے کیلئے آون دودھ کی قیمت میں 3 روپے فی لیٹر کمی اور پٹرول اور ڈیزل کی قیمت میں بالترتیب 5 اور 4 روپے فی لیٹرکم کرنے کا وعدہ کیا۔مسٹر اسٹالن نے کہاکہ انکی پارٹی برسراقتدار آنے پر رسوئی گیس سلنڈر میں 100روپے کی سبسڈی کے علاوہ تمام راشن کارڈ ہولڈروں کو اضافی طورپر ایک کلو چینی اور اڑد کی سپلائی کرے گی۔انہوں نے تمام سرکاری محکموں کیلئے خواتین ریزرویش کو 30سے 40فیصد کرنے کا بھی وعدہ کیا۔ انہوں نے کہاکہ کسی بھی پولیس اہلکار کی موت ہوجانے پر اس کے کنبہ کو ایک کروڑ روپے کی مالی مدد دیئے جانے کا وعدہ کیا۔انہوں نے کہاکہ ان کی پارٹی ہندو مخالف نہیں ہے ۔ انہوں نے پارٹی منشور میں ہندو مذہبی مقامات کے دیکھ بھال کیلئے ایک ہزار کروڑ روپے اور مسجدوں اور کلیساؤں کیلئے 200کروڑ روپے دینے کا بھی وعدہ کیا ہے ۔
