اوڈیشہ میں انتہائی شدید بارش کی وارننگ
پنچکولہ، 30 اگست (یو این آئی) ملک کے کئی حصوں میں آئندہ چند دنوں کے دوران بارش کی سرگرمی جاری رہنے کا امکان ہے ۔ محکمہ موسمیات ہند نے اتوار کو شمال مغربی، وسطی، مشرقی اور شمال مشرقی ہندستان کے کچھ حصوں میں شدید سے بہت شدید بارش اور اوڈیشہ میں الگ الگ مقامات پر انتہائی شدید بارش کی پیش گوئی کی ہے ۔ محکمہ موسمیات کی جانب سے 30 اگست کو صبح 8.30 بجے جاری کردہ آل انڈیا موسمی صورتحال اور پیش گوئی کے بلیٹن کے مطابق شمال مغربی ہندستان کے باقی حصوں میں الگ الگ مقامات سے لے کر چند مقامات پر بارش کا امکان ہے ، جبکہ مغربی ہمالیائی خطے میں بارش کی سرگرمی مزید وسیع ہونے کی توقع ہے ۔ پنجاب اور ہریانہ-چنڈی گڑھ-دہلی میں 7 روزہ بارش کی جدول کے مطابق 31 اگست کو الگ الگ مقامات پر بارش اور 1 سے 5 ستمبر تک چند مقامات پر بارش کی پیش گوئی کی گئی ہے ۔ اس مدت کیلئے قومی بلیٹن میں پنجاب، ہریانہ، چنڈی گڑھ یا دہلی کیلئے شدید بارش کی کوئی وارننگ جاری نہیں کی گئی ہے۔ ہمالیائی ریاستوں میں صورتحال زیادہ شدید رہنے کا امکان ہے ۔ جموں و کشمیر میں 30 اگست سے 1 ستمبر تک کئی مقامات پر بارش اور 31 اگست سے 2 ستمبر تک الگ الگ مقامات پر شدید بارش کا امکان ہے ۔ ہماچل پردیش میں 31 اگست سے 3 ستمبر تک کئی مقامات سے لے کر وسیع پیمانے پر بارش ہونے کی توقع ہے اور اسی مدت کے دوران الگ الگ مقامات پر شدید بارش کا بھی امکان ہے ۔ اتراکھنڈ میں 30 اگست سے 4 ستمبر تک کئی مقامات سے لے کر وسیع پیمانے پر بارش کی پیش گوئی کی گئی ہے ۔ 30 اگست اور 2 سے 4 ستمبر کو الگ الگ مقامات پر شدید بارش کا امکان ہے ، جبکہ 30 اگست اور 31 اگست سے 1 ستمبر کے دوران الگ الگ مقامات پر بہت شدید بارش بھی ہو سکتی ہے ۔
