حیدرآباد۔لنگم پلی کے نالا گنڈلا علاقے کے لکشمی وہار فیز ٹو کی ساکن اننایاکوریکالاکے ساتھ شیرلنگم پلی کے ٹی آر ایس کارپوریٹرراگا ناگیندر یادو نے مارپیٹ کی ہے
متاثرہ اورکارپوریٹر کے درمیان ایک کار پارکنگ کو لے کر لفظی جھڑپ میں شدت اختیار کرنے کے بعد مذکورہ حملے کا واقعہ پیش آیاہے۔ناگیندر یادو لکشمی وہار فیز ٹو کالونی شیر لنگم پلی میں رہتا ہے وہیں وینو گوپال کی فیملی بھی اسی کالونی میں مقیم ہے۔
لڑائی اس وقت شرو ع ہوئی جب وینوگوپال کی بیٹی نے کارپوریٹر سے ان کی پارکنگ کی جگہ سے اپنی کار ہٹا نے کا استفسار کیاتھا۔
اور وہ اس کے لئے راضی نہیں ہوا۔مذکورہ تصادم کو وینو گوپال کی دوسری بیٹی نے کیمرہ میں قید کرلیا۔ مذکورہ کارپوریٹر نے اس نوجوان عورت سے کہاکہ وہ ویڈیونکالنے سے گریز کرے کیونکہ وہ نیم برہنہ حالت میں ہے۔
تاہم تنازعہ اس وقت اور بڑھ گیاجب کوئی بات سنے بغیر ویڈیو نکالنے کاکام کیاجاتا رہا۔چندا نگر پولیس اسٹیشن میں دونوں نے ایک دوسرے کے خلاف مقدمہ درج کرایا۔
دونوں کے خلاف مقدمہ درج کرلیاگیاہے‘ چندا نگر پولیس انسپکٹر رویندر ا نے یہ بات بتائی ہے۔
کارپوریٹر ناگیند ر یادو کے خلاف پولیس نے دفعہ 323‘509کے تحت مقدمہ درج کیا جبکہ عورت کے خلاف دفعہ 448‘504کے تحت مقدمہ درج کیاگیاہے۔