حیدرآباد23مئی(یواین آئی) شادی کی تقریب کے دوران کار ڈرائیور کی غفلت سے لڑکی کی موت ہوگئی۔ یہ واقعہ سوریا پیٹ ضلع کے بوجاگوڈم گاؤں میں پیش آیا۔ گاؤں میں اتوار کی نصف شب شادی کی تقریب جاری تھی کہ اسی دوران 9سالہ لڑکی اندراجا کار کی پچھلی سیٹ پر تنہا بیٹھی ہوئی تھی۔وہ باہر ہورہی تقریب اوررقص کو اپنا سر کھڑکی سے باہر نکال کر دیکھی رہی تھی کہ اسی دوران کار ڈرائیور نے اس کو دیکھے بغیر دروازے کے شیشے کا بٹن دبا دیا جس کے نتیجہ میں اس کی گردن اس میں پھنس گئی اور دم گھٹنے سے اس کی موت ہوگئی۔
لڑکی کے باپ وینکٹیشورلو کی شکایت پر پولیس نے ڈرائیور شیکھر کے خلاف مقدمہ درج کر لیا۔