ممبئی، 2 اکتوبر (یو این آئی) کاندیولی پولیس نے ایک مقامی بلڈر کے خلاف 4.07 کروڑ روپے کی دھوکہ دہی کا مقدمہ درج کیا ہے ۔ ملزم کی شناخت جینت مہتا کے طور پر ہوئی ہے جو کاندیولی (مغرب) کا رہائشی بتایا گیا ہے ۔ شکایت گزار دنیش دیالال وڈودریا (74) نے پولیس کو بتایا کہ ملزم نے انہیں شیو محل بلڈنگ، دانوی بھون چاول، متھراداس روڈ کاندیولی (مغرب) میں 11 کمروں کی دوبارہ ترقی کے منصوبے کی دستاویزات دکھا کر اعتماد میں لیا۔ مہتا نے دعویٰ کیا تھا کہ اگر شکایت کنندہ اس پروجیکٹ میں سرمایہ کاری کرے تو منافع بخش واپسی دی جائے گی۔
