صدر کانگریس سونیا گاندھی پارٹی کے چیف منسٹروں کے ساتھ جمعہ کی شام اپنی قیامگاہ پر میٹنگ منعقد کرنے کا امکان ہے۔ وہ اچھی حکمرانی میں اپنی ریاستوں کو مثالی بنانے کے طریقوں پر تبادلہ خیال کریں گے۔ پنجاب، راجستھان ، مدھیہ پردیش، چھتیس گڑھ اور پوڈوچیری کے چیف منسٹروں کی سونیا گاندھی سے ملاقات متوقع ہے۔ ذرائع نے کہا کہ کانگریس سربراہ کا مقصد پارٹی زیر اقتدار ریاستوں میں عوام کے لئے موثر اور اچھی حکمرانی فراہم کرنا اور ان کے مسائل کی یکسوئی کرنا ہے۔