بھوپال: کانگریس کی مدھیہ پردیش یونٹ کے صدر اور سابق وزیر اعلی کمل ناتھ نے آج کہا کہ کانگریس مدھیہ پردیش کے ہر گھر میں خوشیاں لانے کی قرارداد کولیکر11 وعدوں کے ساتھ عوام کے درمیان ہے ۔ مدھیہ پردیش کے عوام کو یقینی بنانا ہے کہ ووٹوں کی بولیاں لگانے والی سوداگر حکومت کے مذموم منصوبے کامیاب نہ ہوں، اب سچ کی سیاست کوہی حمایت اور آشیرواد ملے۔ انہوں نے الزام لگایا کہ اس وقت بھارتیہ جنتا پارٹی کی حکومت عوام کو راحت دینے کے لیے نہیں بلکہ اپنی ڈوبتی کشتی کوبچانے کے لیے روزانہ چہرے بدل رہی ہے ۔
