نئی دہلی: پارٹی کے نو منتخب صدر ملکارجن کھرگے کی قیادت میں 2024 کے لوک سبھا انتخابات پر کانگریس کی ٹاسک فورس پیر کو پہلی بار میٹنگ کرے گی۔ کھرگے کے کانگریس صدر کا عہدہ سنبھالنے کے بعد ٹاسک فورس کی یہ پہلی میٹنگ ہے الیکشن سٹریٹیجی گروپ کے ارکان نئے چیئرمین کو ٹاسک فورس کے کام اور 2024 کے انتخابات کے لائحہ عمل سے آگاہ کریں گے۔ ٹاسک فورس کے ارکان میں پی چدمبرم، مکل واسنک، جے رام رمیش، کے سی وینوگوپال، اجے ماکن، رندیپ سرجے والا، پرینکا گاندھی واڈرا اور سنیل کانوگولو شامل ہیں بھارت کی سب سے پرانی پارٹی نے اپریل میں راجستھان کے ادے پور میں ہونے والے اپنے تین روزہ بڑے کنونشن سے قبل، 2024 کے قومی انتخابات سے قبل “سیاسی چیلنجوں” سے نمٹنے کے لیے ایک “امپاورڈ ایکشن گروپ” کا اعلان کیا۔ اسے ہی-ٹاسک فورس کا نام دیا گیا۔ پارٹی کی سابق صدر سونیا گاندھی نے آٹھ رکنی کمیٹی کی رپورٹ کے بعد 2024 ٹاسک فورس تشکیل دی۔
