اجمیر: دہلی کے وزیر اعلی اروند کجریوال اور پنجاب کے وزیر اعلی بھگونت مان 4 ستمبر کو جے پور کا دورہ کریں گے ۔کجریوال جے پور میں ایک بہت بڑے جلسہ عام سے بھی خطاب کریں گے ۔ جس کیلئے عام آدمی پارٹی اجمیر سٹی ضلع صدر روی بلوٹیا نے مسلسل اجمیر کے مختلف علاقوں میں گھر گھر جا کر پیلے چاول تقسیم کیے اور علاقے کے مکینوں کو جلسہ عام میں شرکت کی دعوت دی۔انہوں نے کہا کہ عام آدمی پارٹی کو قومی پارٹی کا درجہ ملنے کے بعد کارکنان پرجوش ہیں۔
