نئی دہلی: کرناٹک حجاب کیس میں درخواست گزاروں نے فی الحال سپریم کورٹ سے لڑکیوں کو حجاب پہن کر امتحان میں شرکت کی اجازت دینے کی درخواست کی ہے۔ جلد سماعت کا مطالبہ بھی کیا۔ سی جے آئی ڈی وائی چندر چوڑ نے بھی جلد سماعت کرنے پر رضامندی ظاہر کی ہے، انہوں نے کہا کہ ہم جلد ہی اس کی سماعت کریں گے۔ درحقیقت درخواست گزاروں کی جانب سے ایڈوکیٹ شادان فراست نے سی جے آئی کی بنچ کو بتایا کہ امتحانات 9 مارچ سے شروع ہونے والے ہیں۔ طالبات کو حجاب پہن کر امتحان میں شرکت کی اجازت دی جائے۔ وہ پہلے ہی ایک سال ضائع کر چکی ہے وکیل شاداں فراست نے کہا کہ اس معاملے میں صرف عبوری ریلیف پر غور کیا جائے۔ دراصل اکتوبر 2022 میں دو ججوں کی بنچ نے سپریم کورٹ میں الگ الگ فیصلہ دیا تھا۔ دونوں ججوں کی رائے میں اختلاف کے بعد معاملہ لارجر بنچ کو بھیج دیا گیا۔ اس کے بعد سے تین ججوں کی بنچ تشکیل نہیں دی گئی۔
