سرینگر:سری نگر میں قائم فوج کی پندرہویں کور کے جی او سی لیفٹیننٹ جنرل بی ایس راجو نے کہا کہ جموں وکشمیر میں سال گزشتہ کے نسبت امسال جنگجویانہ سرگرمیوں میں کمی واقع ہوئی ہے ۔ انہوں نے کہا کہ وادی کشمیر میں سیکورٹی فورسز قیام امن کے لئے کارروائیاں جاری رکھیں گے ۔موصوف نے ان باتوں کا اظہار کشتواڑ میں منعقدہ ایک تقریب کے حاشئے پر میڈیا کے ساتھ بات کرتے ہوئے کیا ہے ۔ انہوں نے کہا: ‘مجھے خوشی ہے کہ اس سال جنگجویانہ سرگرمیوں میں پچھلے سال کے نسبت کمی واقع ہوئی۔ سیکورٹی فورسز قیام امن کے لئے اپنی کارروائیاں جاری رکھیں گے ‘۔موصوف نے کہا کہ شمالی کشمیر ہو یا جنوبی کشمیر فوج کارروائیاں جاری رکھے گی اور جنوبی کشمیر میں جنگجوؤں کی تعداد میں کمی ہوچکی ہے ۔ انہوں نے کہا کہ کورونا کی وجہ سے لوگوں کو دقتوں کا سامنا ہے اور ملی ٹنسی سے یہ دقتیں مزید بڑھ جاتی ہیں۔
