نئی دہلی ۔21 اپریل ۔(سیاست ڈاٹ کام) مہاراشٹر اور مدھیہ پردیش میں کورونا وائرس سے مرنے والوں کی تعداد میں مسلسل اضافہ ہو رہا ہے اور ان دو ریاستوں میں ہلاک شدگان کی مجموعی تعداد 306 ہو گئی ہے جو ملک میں کورونا وائرس سے ہونے والی مجموعی اموات کا 50 فیصد سے زیادہ ہے ۔مرکزی وزارت صحت کی جانب سے منگل کی صبح جاری تازہ ترین اعداد و شمار کے مطابق مہاراشٹرمیں گزشتہ24 گھنٹوں کے دوران نومزید افراد کی موت کے بعد اس وبا سے مرنے والوں کی تعداد بڑھ کر 232 اور مدھیہ پردیش میں یہ تعداد چار سے بڑھ کر 74 ہو گئی ہے ۔
