جنیوا: عالمی ادارہ صحت نے کہا ہے کہ کرونا وائرس کی ایک نئی قسم کو مانیٹر کیا جا رہا ہے جس کی شناخت جنوری میں لاطینی امریکہ کے ملک کولمبیا میں ہوئی تھی۔خبر رساں ادارے کے مطابق ’مو‘ نامی نئے کورونا ویریئنٹ کا سائنسی نام ’بی.1.621‘ ہے ۔ عالمی اداراہ صحت نے اس سلسلے میں کہا ہے کہ مو ویریئنٹ میں ہونے والی جنیاتی تبدیلیوں کے خلاف ویکسین کے مؤثر نہ ہونے کا خطرہ پایا جاتا ہے ۔انہوں نے کہاکہ مو وائرس میں اس قسم کی تغیراتی تبدیلیاں واقع ہوتی ہیں جن میں مدافعاتی عمل کو نظر انداز کرنے کی خصوصیات پائی جاتی ہیں، ضرورت اس امر کی ہے کہ وائرس کی اس نئی قسم کو سمجھنے کے لیے مزید تحقیق کی جائے ۔عالمی ادارہ صحت کے مطابق مو وائرس کی کولمبیا میں شناخت کے بعد یورپ اور دیگر جنوبی امریکی ممالک میں بھی اس کے کیسز سامنے آئے ہیں۔
