نئی دہلی : کانگریس کے سابق صدر راہول گاندھی نے کہا ہے کہ دنیا کے بڑے ممالک میں کورونا ویکسین تیارکرنے کی دوڑ کے درمیان حکومت کو یہ ویکسین آسانی سے دستیاب کرانے کی سمت میں جامع حکمت عملی پر کام کر نا چاہئے ۔ راہول نے آج کہا کہ یہ صحیح ہے کہ ہندوستان یہ ویکسین تیار کرنے والا دنیا کا سب سے بڑا ملک ہوگا ، لیکن اس کے لئے ہمیں کافی محتاط رہنے اور حکمت عملی کے ساتھ کام کرنے کی ضرورت ہے ۔ انہوں نے کہا کہ ہندوستان کووڈ ۔19 ویکسین تیار کرنے والے ممالک میں سے ضرور شامل ہو گا۔ اس کام کیلئے دستیابی ، وسائل اور مناسب تقسیم کو یقینی بنانے کے لئے واضح ، جامع اور یکساں طور پرسب کو ویکسین پہنچانے کی حکمت عملی پر کام کرنے کی ضرورت ہے ۔مرکزی حکومت کو اب اس سمت میں کام کرنا چاہئے ۔
