کانگریس کے سابق صدر راہل گاندھی نے کوویڈ 19 وبا سے نمٹنے کی حکمت عملی کو لیکر جمعہ کو مرکزی حکومت کو نشانہ بنایا۔ انہوں نے ٹویٹ کیا ، ‘مرکزی حکومت کی کووڈ کی حکمت عملی – پہلا مرحلہ – تغلقی لاک ڈاؤن۔ دوسرا مرحلہ – گھنٹی بجاؤ۔ تیسرا مرحلہ ۔ پربھو کے گن گاؤ۔ اسی کے ساتھ ہی کانگریس کی جنرل سکریٹری پریانکا گاندھی واڈرا نے لوگوں سے اپیل کی ، ‘پیارے دیس واسیوں یہ ہم سب کے لئے بہت پریشانی کا وقت ہے۔ ہم سب کے عزیز کنبہ کے افراد ہمارے آس پاس کے لوگ کورونا کی وبا سے گزر رہے ہیں۔ ‘ انہوں نے ٹویٹ کیا اور کہا ، ‘آپ سے درخواست ہے کہ ماسک لگائیں اور کوویڈ سیفٹی سے متعلق تمام ہدایات پر عمل کریں۔ ہمیں احتیاط اور ہمدردی کے ساتھ مل کر یہ جنگ جیتنی ہے۔