گھریلو سیریز میں ویسٹ انڈیز کو آسان حریف تصور نہیں کرتے :بابر
کراچی: پاکستان کرکٹ ٹیم کے کپتان بابر اعظم نے کہا ہے کہ ویسٹ انڈیزکو آسان حریف نہیں سمجھتے ہوم سیریز میں دلچسپ مقابلے متوقع ہیں۔کپتان بابر اعظم نے ورچوئل پریس کانفرنس کے دوران کہا کہ جس طرح فتوحات حاصل کر رہے ہیں کوشش ہوگی یہ سلسلہ جاری رہے۔شائقین کے صد فیصد داخلے کی اجازت ملنا خوش آئند ہے، امید کرتے ہیں شائقین اسٹیڈیم کا رخ کریں گے۔کپتان نے کہا کوچزکا ٹیم کے ساتھ ہونا ضروری ہے، تاہم پی سی بی اس حوالے سے زیادہ بہتر بتا سکتا ہے، چیئرمین رمیز راجہ سے ورلڈ کپ سے قبل بات ہوئی تھی، رمیز راجہ سے کیا باتیں ہو یہاں بتا نہیں سکتا، نیوزی لینڈ کو پاکستان میں رکنا چاہیے تھا، ویسٹ انڈیز ٹیم کا شکرگزار ہوں کہ وہ پاکستان آئے، لوگ سوچ رہے تھے کہ معلوم نہیں اب پاکستان میں بین الاقوامی کرکٹ ہوگی یا نہیں۔ بابر اعظم نے مزید کہا ویسٹ انڈیز ٹیم کو آسان ہدف نہیں لیں گے، دوران سیریز اپنی صد فیصد کارکردگی دیں گے۔ علاوہ ازیں ویراٹ کوہلی سے کیا بات ہوئی تھی وہ بتا نہیں سکتا۔ ثقلین مشتاق کھلاڑیوں کی حمایت کرتے ہیں۔ ثقلین مشتاق کہتے ہیں کہ ہم 22 کروڑ عوام کے لیے کھیل رہے ہیں، کھلاڑی جب کورونا سے متاثر ہوجاتے ہیں تو مشکل وقت ہوتا ہے، ہم سب اس مشکل وقت سے گزرے ہیں، قرنطینہکے دوران دماغ میں منفی چیزیں آتی ہیں لیکن اس کے باوجود ہم کچھ مثبت کرنے کی کوشش کرتے ہیں۔ویسٹ انڈیز کے پلیئرز ٹی ٹوئنٹی میں مہارت رکھتے ہیں، بطور کپتان معلوم ہونا چاہیے کہ کھلاڑیوں سے کیسے مظاہرہکروانا ہے، کوشش کرتا ہوں کہ کھلاڑیوں کے مسائل سنوں، کھلاڑیوں کو اعتماد دے کر بات کرتا ہوں، ہم محنت کر رہے ہیں جس کے نتائج سامنے آرہے ہیں۔