کراچی ۔10 اپریل (سیاست ڈاٹ کام) پاکستانی ٹسٹ ٹیم کے کپتان اظہر علی نے کہا کہ جو حالات اس وقت ہیں پاکستانی کھلاڑیوں کو معاوضوں میں کمی کے لئے تیار رہنا چاہیے۔ اگر سب کے لئے فیصلہ ہوتا ہے تو اس میں کچھ غلط نہیں۔ پی سی بی نے موجودہ کنٹریکٹ جاری رکھنے کا کہا ہے آئندہ جو ہوگا وہ اس وقت کی صورتحال کے مطابق ہو گا۔ انہوں نے کہا کہ پاکستان ٹسٹ کرکٹ پہلے ہی کم کھیلتا ہے یہ چیلنجنگ رہا ہے اب مزید مشکلات ہو سکتی ہیں۔ انہوں نے کہا کہ مستقبل میں خالی اسٹیڈیم میں کرکٹ ہوتی ہے تو کرکٹرز کی حفاظت کے حوالے سے تو کوئی مسئلہ نہیں ہوگا، میں اس کی حمایت کروں گا۔ پوری دنیا مالی مسائل سے دوچار ہے اگر کرکٹ نہیں ہو رہی ہوگی تو مالی نقصان تو ہو گا۔ ڈومیسٹک کرکٹرز کے نیا اسٹرکچر ہے مجھے امید ہے کہ آیندہ سیزن میں بہتر ہوگی ڈیپارٹمنل ٹیموں کی بحالی کا بھی سن رہے ہیں۔ اسپاٹ فکسنگ میں ملوث کھلاڑیوں کے بارے میں میرا موقف ہمیشہ واضح رہا ہے اور رہے گا اس پر میں مزید کچھ نہیں کہہ سکتا۔ پی ایس ایل نہ کھیلنا مشکل ہے فرنچائز کرکٹ میں فرنچائزز کو حق ہے منتخب کریں یا نہ کریں لیکن کمنٹری کرنے کا تجربہ منفرد رہا اور مزہ ہی اور ہے۔ انہوں نے کہا کہ شرجیل خان ابھی ٹی ٹوئنٹی میں واپس آیا ہے ابھی اس نے فور ڈے کرکٹ کھیلنا ہے فٹنس کے حوالے سے اسے ضرور ہدایات ملی ہوں گی۔ ہند۔پاک کرکٹ کے علاوہ ان حالات میں کوئی بھی کرکٹ فنڈ ریزنگ کے لئے اچھی ہے۔ ٹسٹ چمپئن شپ چل رہی ہے کوشش ہو گی موجودہ ٹیم ہی برقرار رہے۔ ٹسٹ چمپئن شپ کے تمام میچز مکمل ہونے کے بعد ہی فائنلسٹ کا فیصلہ ہونا چاہیے۔
