سان ہوزے : امریکہ کی ریاست کیلیفورنیا میں ریلوے مرکز میں ملازم کی فائرنگ کے نتیجے میں 8 افراد ہلاک ہوگئے۔اخبار میں شائع فرانسیسی خبررساں ادارے ’’اے ایف پی‘‘کی رپورٹ کے مطابق پولیس نے بتایا کہ یہ واقعہ سان فرانسسکو کے جنوب میں واقع شہر سان ہوزے کے پبلک ٹرانزٹ مینٹیننس یارڈ میں پیش آیا۔مذکورہ واقعہ میں مشتبہ شخص بھی مارا گیا جبکہ دیگر کئی افراد زخمی بھی ہوئے۔سانتا کلارا
کاؤنٹی شیرف ڈپٹی رسل ڈیوس نے صحافیوں کو بتایا کہ کمپاؤنڈ میں دھماکا خیز آلات کی موجودگی کی اطلاعات کے بعد بم اسکواڈ تعینات کیا گیا تھا اور عمارت کے ہر کمرے اور جگہ کو کلیئر کرنے کی کوشش کی جارہی تھی۔انہوں نے کہا کہ اب تک 8 متاثرین اور ایک مشتبہ شخص کو مردہ قرار دیا گیا ہے، انہوں نے مزید کہا کہ ہلاکتوں کی تعداد میں اضافہ ہوسکتا ہے۔رسل ڈیوس نے مقامی ویلی ٹرانسپورٹیشن اتھارٹی کا حوالہ دیتے ہوئے بتایا کہ مشتبہ شخص وی ٹی اے کا ملازم ہے۔رپورٹ کے مطابق علی الصبح فائرنگ کی متعدد اطلاعات کی تفتیش کے لیے پولیس جائے وقوع پر پہنچی۔