نیروبی : کینیا میں تقریباً 3 ہفتوں سے جاری شدید بارش کے باعث پیدا ہونیوالے سیلاب میں مہلوکین کی تعداد 267 ہو گئی۔ داخلی امور کے وزیر کیتھور کنڈیکی نے پریس بریفنگ میں کہا ہے کہ سیلاب میں جانی نقصان 267 ہو گیا ہے۔ سیلاب میں 188 افراد کے زخمی ہونے کی وضاحت کرتے ہوئے، کنڈیکی نے بتایا کہ 75 لوگ لاپتہ ہیں،تقریباً تین لاکھ89 ہزار شہری موسم کی خراب صورتحال سے متاثر ہوئے ہیں اور 56 ہزار خاندانوں کو اپنا گھر بار چھوڑنا پڑا ہے۔
کانگو بم دھماکہ ، ہلاکتوں کی تعداد 35 ہوگئی
گوما : ڈیموکریٹک جمہوریہ کانگو میں 8 مئی کو ہوئے بم حملے میں جانی نقصان 35 ہو گیا۔ حملہ ہونے والے گوما علاقے کے عہدیداروں میں سے ایرک بواناپووا نے بتایا ہے کہ پناہ گزین کیمپ میں ہونے والے بم حملہ میں ہلاکتوں کی تعداد میں اضافہ ہوا ہے۔ بواناپووا نے کہا کہ بم حملے میں مرنے والوں کی تعداد بڑھ کر 35 ہو گئی ہے۔ جانیں گنوانے والوں میں خواتین اور بچے بھی شامل ہونے والے اس حملہ کی اگرچہ ابھی تک کسی نے بھی ذمہ داری قبول نہیں کی ، لیکن ایک تخمینے کے مطابق یہ حملہ باغی گروہوں نے کیا تھا۔
