نئی دہلی: سی پی ایم کے جنرل سکریٹری سیتارام یچوری نے گورنروں کے مبینہ “غیر جمہوری مخالف آئین” اقدامات کے خلاف محاذ کھول دیا ہے۔ انہوں نے اپوزیشن جماعتوں کا مشترکہ احتجاجی اجلاس منعقد کرنے کے لیے کئی جماعتوں سے رابطہ کیا ہے۔ جلد ہی یہ میٹنگ نئی دہلی میں ہوگی سی پی ایم لیڈر نیلوتپل باسو نے این ڈی ٹی وی کو بتایا کہ سی پی ایم کی مرکزی کمیٹی نے ایک قرارداد منظور کی ہے۔ اس میں کہا گیا ہے کہ ماضی قریب میں بعض ریاستوں کے گورنروں کے غیر آئینی فیصلوں کے خلاف اپوزیشن جماعتوں کو متحد کرکے مشترکہ احتجاجی پروگرام کی ضرورت ہے سی پی ایم کے جنرل سکریٹری سیتارام یچوری سمیت بائیں بازو کے سینئر لیڈروں نے کانگریس، این سی پی، ڈی ایم کے سمیت کئی اپوزیشن جماعتوں کے لیڈروں سے رابطہ کیا ہے۔ سی پی ایم کی تیاری عام آدمی پارٹی اور ٹی آر ایس کے سینئر قائدین کو ساتھ لے کر گورنر کے غیر آئینی فیصلوں کے خلاف مشترکہ احتجاجی پروگرام ترتیب دینا ہے۔
