نظام آباد۔ 17جولائی (سیاست ڈسٹرکٹ نیوز) تلنگانہ یونیورسٹی ڈچپلی کا دوسرا کانو وکیشن یونیورسٹی کے اسپورٹس گراونڈ میں شاندار پیمانے پر منعقد کیا گیا اس کانو وکیشن میں مہمان خصوصی تلنگانہ کے معزز گورنر یونیورسٹی چانسلر جشنودیو ورما نے شرکت کرتے ہوئے خطاب کیا اس تقریب میں سال 2014 تا 2023 مختلف تعلیمی شعبوں میں یونیورسٹی کے نمایاں طلبہ کو اعزازات سے نوازا گیا ساتھ ہی ساتھ اس تقریب میں تلنگانہ اردو یونیورسٹی کے شعبہ کے مضمون ”ماس میڈیا و صحافت” میں سال 2014 تا 2023 کے دوران امتیازی کامیابی و نمایاں مقام حاصل کرنے والے 10 طلبہ ایم اے اردو ”ماس میڈیا و صحافت میں اعلیٰ نشانات کے ذریعے اعلیٰ مقام حاصل کرنے والے جملہ دس طلبہ ہاجرہ فہیم سال 2014، فرحین بیگم سال 2015، سید لئیق سال 2016، عائشہ صدیقہ سال 2017، حناء تسلیم سال 2018، ثناء سلطانہ سال 2019، صالحہ سہناز سال 2020، فرحانہ بیگم سال 2021، فرحانہ بانو سال 2022 اور صفا ماہین سال 2023 کو تلنگانہ ریاستی گورنر یونیورسٹی چانسلر جشنودیو ورما کے ہاتھوں ”تبسم فریدی میموریل گولڈ میڈل عطاء کیے گئے، واضح رہے کہ اردو زبان و ادب اور صحافت کے فروغ کیلئے ایک نمایاں مثال قائم کرتے ہوئے نظام آباد کے معروف اردو روزنامہ” مارننگ ٹائمز ” کی جانب سے” تبسم فریدی میموریل گولڈ میڈل کا 12 سال قبل اعلان کیا گیا تھا، یہ گولڈ میڈل تلنگانہ اردو یونیورسٹی شعبہ کے مضمون” ماس میڈیا و صحافت ” میں ہر سال امتیازی کامیابی و نمایاں مقام حاصل کرنے والے طلبہ کے نام کیا جارہاہے، تلنگانہ یونیورسٹی کی اس تقریب میں تلنگانہ اور ضلع و شہر نظام آباد کے معزز شخصیات کے آر سریش ریڈی ایم پی، آرمور رکن اسمبلی پی راکیش ریڈی، نظام آباد اربن ایم ایل اے دھنپال سوریہ نارائن،سینئر قائد کانگریس و سابقہ کواپشن ممبر اشفاق احمد خان پاپا و دیگر نے شرکت کی۔
