واشنگٹن : امریکی وزیر خارجہ انٹونی بلنکن نے کینیڈین شہری کے قتل میں ملوث ہندوستانی حکومت سے مطالبہ کیا ہے کہ وہ خالصتان تحریک کے قائد ہردیپ سنگھ نجر کے قتل کی تحقیقات میں کینیڈا سے تعاون کرے۔ انٹونی بلنکن نے اپنے ایک بیان میں کہا کہ ہندوستان یہ یقینی بنائے کہ واقعہ میں ملوث افراد کا احتساب کیا جائے۔ بلنکن کا کہنا تھا کہ وہ اس معاملہ پر ہندوستان اور کینیڈا سے قریبی رابطے میں ہیں، یہ اہم ہے کہ تحقیقات مکمل ہوں اور ان کا نتیجہ نکلے۔ انہوں نے کہا کہ امریکہ بین الاقوامی جبر کو بہت زیادہ سنجیدگی سے لیتا ہے، یہ عالمی نظام کے لیے اہم ہے کہ اگر کوئی ملک بین الاقوامی جبر میں ملوث ہونا چاہتا ہو تو وہ ایسا نہ کرے۔
