ہندوستان کوئی دھرم شالہ نہیں، بیرون ملک سے لوگ آئیں اور یہاں بس جائیں، سی اے اے ملکی مسلمانوں کیخلاف نہیں: ایم این سی سربراہ راج ٹھاکرے

,

   

ممبئی: ملک میں موجود بنگلہ دیشیوں او رپاکستانیوں کو ہر حال میں ملک چھوڑ کر جانا ہوگا۔ ہندوستان کے مسلمان سچے ہندوستانی ہیں انہیں مظاہرے و احتجاج کے ذریعہ طاقت کا مظاہرہ نہیں کرنا چاہئے۔ این ایم سی سربراہ راج ٹھاکرے نے جنوبی ممبئی میں ایک ریالی سے خطاب کرتے ہوئے یہ بات کہی۔ انہوں نے کہا کہ یہ احتجاج غیر قانون طور پر ملک میں مقیم پاکستانیوں او ربنگلہ دیشیوں کو باہر نکالنے کے لئے کیا جارہا ہے۔۔انہوں نے اسے صفائی مہم قرار دیا۔ راج ٹھاکرے نے کہا کہ سی اے اے کے تحت پاکستان، بنگلہ دیش اور افغانستان میں ستائی جانے والی اقلیت کوپناہ دینا ہے لیکن مسلمان اس معاملہ کو سمجھ نہیں پارہے ہیں اور ملک بھر میں احتجاج کررہے ہیں۔

 

انہوں نے کہا کہ مسلمان سی اے اے کی مخالفت کیوں کررہے ہیں جبکہ یہ قانون ملک میں رہ رہے مسلمانوں کے خلاف نہیں ہیں۔ انہوں نے کہا کہ ہم مسلمانوں کے خلاف نہیں ہیں،وہ ہمارے ہیں۔ انہوں نے کہا کہ غیرقانون افراد ملک میں داخل ہوکریہاں کی معیشت کو خراب کررہے ہیں۔ ملازمتوں پر قبضہ کرلیا ہے، ہماری خواتین سے چھیڑ چھاڑ کرتے ہیں، جرائم اور دہشت گردانہ سرگرمیوں میں ملوث پائے جاتے ہیں جبکہ مراٹھی مسلمان فتنہ و فساد نہیں کرتا۔ راج ٹھاکرے نے کہا کہ ہندوستان کوئی دھرم شالہ نہیں ہے کہ بیرون ملک سے لوگ آئیں اور آسانی سے یہاں بس جائیں۔ انہوں نے کہا کہ ان کے چچا زاد بھائی اور چیف منسٹر ادھو ٹھاکرے سے ا س معاملہ میں بات چیت کرنا بیکار ہے وہ اس معاملہ کو مرکز سے رجوع کریں گے۔