مظفر نگر میں ایک مسلم بچہ کو اسکول میں دیگر بچوں کے ہاتھوں مارنے کے واقعہ پر راہول گاندھی کا ردعمل
نئی دہلی : اترپردیش میں مظفر نگر کے ایک اسکول کی متنازعہ ویڈیو پر تبصرہ کرتے ہوئے کانگریس کے رہنما راہول گاندھی نے کہا ہے کہ یہ بی جے پی کا پھیلایا ہوا مٹی کا تیل ہے جس نے ہندوستان کے کونے کونے کو آگ لگا دی ہے۔ راہول نے سوشل میڈیا پلیٹ فارم X پر لکھاکہ معصوم بچوں کے ذہنوں میں تعصب کا زہر بونا، اسکول جیسے مقدس مقام کو نفرت کے بازار میں تبدیل کرنا، ایک استاد ملک کے لیے اس سے بڑا کچھ نہیں کرسکتا۔ یہ وہی مٹی کا تیل ہے جو بی جے پی نے پھیلایا ہے جس نے ہندوستان کے کونے کونے میں آگ لگا دی ہے۔ بچے ہندوستان کا مستقبل ہیں ۔ وہ نفرت نہیں کرتے، ہم سب کو مل کر پیار سکھانا ہے۔ایک مسلمان بچے کو اسکول میں دوسرے بچوں کے ہاتھوں مارنے کی کیا بات ہے؟مظفر نگر کے ایک پرائیویٹ اسکول میں ٹیچر کے کہنے پر بچوں نے اپنی ہی کلاس کے ایک مسلمان بچے کو یکے بعد دیگرے تھپڑ مارنے کا معاملہ سامنے آیا ہے۔ میڈیا رپورٹ کے مطابق ٹیچر نے بچے کو ریاضی کا ٹیبل غلط کرنے پر دوسرے بچوں سے مارا پیٹا۔ یہ ویڈیو 24 اگست کا بتایا جا رہا ہے۔ یہ واقعہ مظفر نگر کے منصور پور تھانے کے تحت کھبا پور گاؤں کا ہے۔ حکام کا کہنا ہے کہ انہوں نے معاملے کا نوٹس لے لیا ہے۔ پولیس اور محکمہ تعلیم کے افسران ٹیچر ترپتا تیاگی اور نیہا پبلک اسکول کے خلاف کارروائی کرنے پر غور کر رہے ہیں۔ ویڈیو میں استاد کے کہنے پر بچے ایک ایک کر کے مسلمان بچے کے پاس جاتے ہیں اور اسے تھپڑ مارتے ہیں۔ اسی دوران ٹیچر ترپتا کی آواز سنائی دیتی ہے۔ مظفر نگر کے سپرنٹنڈنٹ آف پولیس (سٹی) نے بتایا کہ منصور پور پولیس اسٹیشن کو ایک ویڈیو موصول ہوا ہے جس میں ایک خاتون ٹیچر کو ریاضی کی ٹیبل نہ سیکھنے پر دوسرے بچے کو مارتے ہوئے دیکھا جارہا ہے۔ ویڈیو میں کچھ قابل اعتراض تبصرے بھی ہیں۔ واقعے کی اطلاع بیسک ایجوکیشن آفیسر اور محکمہ جاتی افسران کو دے دی گئی ہے۔ ٹیچر کے خلاف کارروائی کی جارہی ہے ۔
( متعلقہ خبر اندرونی صفحہ پر )
