ترواننت پورم، 5 نومبر (یو این آئی) جرمنی میں پیشہ ورانہ پلیسمنٹ کو آسان بنانے کیلئے جنوری-فروری 2026 کے درمیان ہندوستان-جرمنی تربیتی میلہ منعقد کیا جائیگا۔ یہ ہندوستان میں اپنی نوعیت کا پہلا اقدام ہے ۔ ذرائع نے بتایا کہ اس پروگرام کے تحت معاشی طور پر پسماندہ امیدواروں کو ماہانہ ایک لاکھ روپے کا وظیفہ دیا جائے گا جس سے انہیں بیرون ملک اعلیٰ معیار کے ہنر مندی کے مواقع تک رسائی میں مدد ملے گی۔ جرمن سرمایہ کاروں کے ایک 27 رکنی وفد نے 24-25 اکتوبر کو کیرالہ کا دورہ کیا اور حکومت اور صنعتی دنیا کے نمائندوں سے بات چیت کی۔ نمائندوں نے ٹیکنالوجی، مہارت کی ترقی، نقل و حرکت اور اقتصادی سرمایہ کاری سمیت ترجیحی شعبوں میں تعاون میں دلچسپی کا اظہار کیا۔ کیرالہ اور جرمنی کے ہیسن کے درمیان تعاون پر مبنی ریاستی شراکت داری قائم کرنے کیلئے ابتدائی بات چیت شروع ہو گئی ہے ۔ جنوری 2026 میں باضابطہ معاہدے پر دستخط ہونے کی امید ہے ۔ ہندوستان-جرمنی شراکت داری کا مقصد ہنر مندی کی ترقی میں تعاون کو مضبوط کرنا، ہندوستانی نوجوانوں کیلئے تربیت کے مواقع کو بڑھانا، دو طرفہ سرمایہ کاری کو فروغ دینا ہے۔
