لندن: برطانوی وزیر صحت میٹ ہینکوک کا کہنا ہیکہ انہیں یورپ میں کورونا وائرس کی وباء کی دوسری لہر کا خدشہ ہے اور برطانوی حکومت عوام کو محفوظ رکھنے کیلئے قرنطینہ کے فیصلے دہرانے سے نہیں گھبرائے گی۔برطانوی وزیر نے ایک مقامی ٹی وی سے بات کرتے ہوئے کہا کہ میں کورونا کی دوسری لہر کے بارے میں پریشان ہوں۔ میرے خیال میں یورپ میں کورونا کے متاثرین کی ایک نئی لہر سامنے آرہی ہے اور ہمیں اس سے بچنے کیلئے ہر ممکن اقدامات اٹھانا ہوں گے۔ان کا مزید کہنا تھا کہ ہمیں یورپ میں شروع ہونے والی نئی کورونا لہر کے حوالے سے خدشات ہیں۔ اور یہ لہر صرف اسپین ہی نہیں بلکہ دیگر ممالک نے بھی دیکھنے میں آرہی ہے۔ ہم اس ملک کو محفوظ رکھنے کیلئے ہر ممکن اقدامات اٹھائیں گے۔
