نئی دہلی:وزیر داخلہ امیت شاہ نے وزیر اعظم نریندر مودی کو یونان میں باوقار ’گرانڈ کراس آف دی آرڈر آف آنر‘ سے نوازے جانے پر اْنہیں مبارکباد پیش کی۔ ایک ٹویٹ میں شاہ نے کہا کہ اپنے منفرد تدبّر کے ذریعہ معاشروں کے درمیان فرق کو ختم کرتے ہوئے، دلوں کو ایک دوسرے سے جوڑتے ہوئے اور ملکوں کو متحد کرتے ہوئے وزیر اعظم مودی نے مختلف ملکوں سے ایک کے بعد ایک اعزازات حاصل کیے ہیں۔ انہوں نے کہا کہ ہر وہ اعزاز جو وزیر اعظم کسی ملک سے حاصل کرتے ہیں، وہ دراصل ملک کے ہر شہری کا اعزاز ہے۔ یونان کی صدر کیٹرینا سکیلاروپولو نے جمعہ کو وزیراعظم نریندر مودی کو ‘گرینڈ کراس آف دی آرڈر آف آنر سے نوازا۔ قابل ذکر ہے کہ وزیراعظم مودی جنوبی افریقہ میں برکس سربراہ اجلاس میں شرکت کے بعد یونان گئے تھے۔ پی ایم مودی 40 سال بعد یونان کا دورہ کرنے والے پہلے ہندوستانی وزیراعظم ہیں۔ یونان کا آخری اعلیٰ سطح کا دورہ ستمبر 1983 میں اس وقت کی وزیراعظم اندرا گاندھی نے کیا تھا۔
